Rajini: From Ambassador to Toyota for Endhiran

Rajini: From Ambassador to Toyota for Endhiran

Endhiran’s shooting is currently taking place in Chennai, confirms our sources. It is said that Shankar is filming a few important scenes in the northern parts of Chennai and the locations are kept so secret that the crew are not aware of the shooting spot even a day prior.Interestingly, Rajini is also trying
to mask himself in anonymity and is adopting various new techniques to get away from the fans and bystanders. It is well known in film circles that the Superstar prefers and uses either an Ambassador or Fiat car. In an attempt to conceal his identity, Rajini is off late spotted seen using a Toyota Qualis.

Rajini pera ketaale….!

Rajini pera ketaale….!

Superstar Rajinikanth's biography, authored by Gayathri Srikanth, is ready to be released in Tamil. Gayathri's Tamil version of the book, titled Rajini Pera Ketaale, will be launched on November 30 in an event in Chennai.Representatives of the author mention that the Tamil version will
have many interesting additions as opposed to the English version. The book will be released by Kanimozhi M P and first copy will be presented to entrepreneur Meena Reddy. Soundarya Rajinikanth and director Muthuraman are also expected to take part in the event.

நிஜமான அங்கீகாரம்!

உலகத் தமிழர் நெஞ்சங்களில் ரஜினி!

அடுத்து என்ன செய்யப் போகிறார் என்ற சஸ்பென்ஸ் வைப்பதில் ரஜினிக்கு நிகர் ரஜினிதான். அந்த சஸ்பென்ஸைத் தாங்க முடியாத குழப்பத்தில் நமது மீடியாக்கள் உளரும் உளறல் இருக்கிறதே அது கவுண்டர் காமெடியையும் மிஞ்சுபவை.இலங்கைத் தமிழர் உண்ணாவிரதத்துக்கெல்லாம் ரஜினி எங்கே வரப்போகிறார் என்று கூறி வந்தார்கள். அவரோ வந்ததோடு மட்டுமல்ல... எல்லோரும் வாடி வதங்கிக் கிடந்தபோது, அவர் மட்டும் மாலை உண்ணாவிரதம் முடியும்வரை விசிறி சாமியார் மாதிரி பிரஷ்ஷாகவே உட்கார்ந்திருந்தார். அலங்காரச் சொற்கள் எதையும் பயன்படுத்தாமல், உள்மனம் சொன்னதை மேடையில் முழங்கிவிட்டுப் போக, அது உலகமெங்கிலும் உள்ள ஈழத் தமிழர்களின் கண்களில் ஆனந்தக் கண்ணீரை வரவழைத்தது.இன்னும்கூட பல ஈழ ஆதரவு ஊடகங்களில் அவரது பேச்சு பிரதானமாக இடம்பெற்றிருப்பதைப் பார்க்க முடிகிறது. போர்முனையில உயிரைப் பணயம் வைத்துப் போராடிக் கொண்டிருக்கிற தமிழர்களுக்கு இந்த மாதிரி ஒரு அவதார மனிதரிடமிருந்து கிடைத்துள்ள தார்மீக ஆதரவு புதிய உத்வேகத்தை அளித்துள்ளது.அந்த பரபரப்பு அடங்கும் முன்பே, தனது பிறந்த நாள் கொண்டாட்டங்களை (கவனிக்க: பிறந்த நாளை அவர் கொண்டாடுவதில்லை. ரசிகர்களாகத்தான் கொண்டாடுகிறார்கள்) ரத்து செய்யச் சொல்லி உத்தரவிட்டார். இந்த நடவடிக்கையால் இலங்கை மக்களுக்கு அமைதி கிடைத்திட தூண்டுதலாக இருந்தால் மகிழ்வேன் என்றும் விளக்கம் அளிக்க, அரசியலுக்கு வராமலேயே உலகத் தமிழர்களின் இதயங்களில் சூப்பர் ஸ்டார் சிம்மாசனம் போட்டு அமர்ந்து விட்டார் ‘தலைவராக’!இப்படி ஒரு நல்லவர்தான் நாட்டுக்கு வேண்டும், என்ற பேச்சுக்கள் இப்போது ‘ரஜினி விமர்சகர்கள்’ வாயிலிருந்தே வெளிவரத் துவங்கி இருப்பதுதான் ‘தலைவர்’ ரஜினிக்குக் கிடைத்துள்ள நிஜமான அங்கீகாரம். இதுகுறித்த தொடர்ச்சியான பதிவுகள் நமது வலைதளத்தில் அணிவகுக்கவிருக்கின்றன, விரைவில்!அவரது ஒற்றைச் சொல்லுக்கு இத்தனை மரியாதையும், ஆளுமையும் இருக்கிறதென்றால், அவர் செயலில் இறங்கினால்...-இந்தக் கேள்வியும் அதன் முடிவாகக் கிடைக்கிற பதிலும் நடுநிலையாளர்களை, நல்ல மாற்றத்துக்குக் காத்திருப்பவர்களை உற்சாகம் கொள்ள வைத்திருக்கிறது.

ரசிகர்கள் உண்ணாவிரதம்!

மதுரை மாவட்ட ரஜினி ரசிகர்கள் உண்ணாவிரதம்!

இலங்கையில் தமிழர்கள் காயம்பட்டு துடிக்கும் இந்த தருணத்தில் என்னுடைய பிறந்த நாளைக் கொண்டாட வேண்டாம். எனது இந்த அறிவிப்பு அவர்களது அமைதி முயற்சிக்குத் தூண்டுதலாக இருந்தால் மகிழ்ச்சி அடைவேன்', என சூப்பர் ஸ்டார் ரஜினி விடுத்த செய்தியின் தாக்கம் உலகம் முழுக்க எதிரொலிக்கத் தொடங்கியுள்ளது.இப்போதே பல ரசிகர் மன்றத்தினர், ரஜினியின் பிறந்த நாளன்று இலங்கை மக்களின் துயர் துடைக்கும் விதத்திலும், அவர்களுக்கு மன ஆறுதல் தரும் விதத்திலும் என்னென்ன செய்யலாம் என ஆலோசித்த வருகிறார்கள்.முதல்கட்டமாக மதுரை மாவட்ட ரசிகர்கள் ரஜினியின் பிறந்த நாள் செய்தியை அர்த்தமுள்ளதாக்கும் விதத்தில், அவரது பிறந்த நாளான டிசம்பர் 12ந் தேதி இலங்கைத் தமிழர்களுக்கு ஆதரவாக உண்ணாவிரதம் இருக்க முடிவு செய்துள்ளனர்.போரால் பாதிக்கப்பட்ட இலங்கைத் தமிழர்களுக்கு உணவு, மருந்து, உடைகள் உள்ளிட்ட நிவாரண உதவிப் பொருட்களை சேகரித்து அனுப்பும் நடவடிக்கைகளை மேற்கொள்ளப் போவதாகவும் அவர்கள் அறிவித்துள்ளனர்.இது குறித்து மதுரை மாவட்ட ரஜினி ரசிகர் மன்ற நிர்வாகிகளான ரபீக், பாண்டியன், பால தம்புராஜ், சோலைராஜா ஆகியோர் மதுரையில் இன்று செய்தியாளர்களிடம் கூறியதாவது:ஈழத் தமிழர்கள் போரால் பாதிக்கப்பட்டிருப்பதால் சூப்பர் ஸ்டார் ரஜினி காந்த் இந்த ஆண்டு தன்னுடைய பிறந்த நாளை கொண்டாட வேண்டாம் என்று ரசிகர்களை கேட்டுக் கொண்டுள்ளார். அவரது வேண்டுகோளை நாங்கள் முழுவதுமாக ஏற்கிறோம். தலைவரின் இந்த வார்த்தைகளை அர்த்தமுள்ளதைக்கும் விதத்தில் ரசிகர்களான நாங்களும் நடந்து கொள்ள முடிவு செய்துள்ளோம்.எனவே இலங்கை தமிழர்களுக்கு ஆதரவு தெரிவித்து சூப்பர் ஸ்டார் பிறந்த நாளான டிசம்பர் 12ந் தேதி உண்ணா விரதம் இருக்க மதுரை மாவட்ட ரசிகர்கள் முடிவு செய்துள்ளனர். அத்துடன் போரால் பாதிக்கப்பட்ட இலங்கைத் தமிழர்களுக்கு உணவு, மருந்து, உடைகள் போன்ற நிவாரண உதவி பொருட்களை சேகரித்து அனுப்பும் நடவடிக்கையிலும் ஈடுபட மதுரை மாவட்ட ரஜினி மன்ற நிர்வாகிகள் முடிவு செய்துள்ளோம், என்றார்.

ரஜினியைப் போன்ற தேசியவாதி எங்களுக்கு இல்லையே! - பால் தாக்கரே

ரஜினியைப் போன்ற தேசியவாதி எங்களுக்கு இல்லையே! - பால் தாக்கரே

மராட்டிய மாநிலத்தின் அரசியல் தலைவர் பால் தாக்கரே நேற்று எழுதிய தலையங்கம் இது. உடனே பால் தாக்கரே பாராட்டு நமக்கு எதற்கு என கமெண்ட் எழுத ஆரம்பித்துவிடாதீர்கள்.நல்ல விஷயம் எங்கே இருந்தாலும் வரவேற்பதும், நியாயமற்றதை யார் செய்தாலும் எதிர்ப்பதும் ரஜினியின் குணம்.இங்கு ரஜினியை ஒரு பேராளியாக சித்தரித்துள்ளார் பால் தாக்கரே. தமிழர்களுக்காக ரஜினி உரிமைக் குரல் கொடுப்பதைப் போல, மராட்டியர்களுக்கு யாரும் கொடுப்பதில்லை என்பது அவர் கருத்து.நம்மவர்களோ, ரஜினியை தமிழர்களுக்கு எதிராக இன்னும் எப்படியெல்லாம் காட்டலாம், கட்டுக் கதை எழுதலாம் என யோசித்துக் கொண்டிருக்கும் சூழலில், தமிழினத்துக்காக ரஜினியைப் போல அக்கறை காட்டுபவர் யாரும் இல்லை என்ற பால் தாக்கரேவின் கருத்தை மட்டும் எடுத்துக் கொள்வோம்.மற்றபடி அது மராட்டியமோ, தமிழகமோ... பிராந்தியவாதத்தை ரஜினி ஒருபோதும் ஏற்பவரில்லை.சாம்னாவில் வெளியாகியுள் பால் தாக்கரேவின் தலையங்கம்:இலங்கை தமிழர் பிரச்சினையை கண்டித்தும், அங்கு தமிழர்கள் படும் துயரங்களையும், வேதனையையும் உணர்ந்து தனது பிறந்த நாளை கொண்டாட போவதில்லை என்று ரஜினிகாந்த் அறிவித்துள்ளார்.இந்த முடிவை எடுத்ததற்காக ரஜினியை வாழ்த்துகிறோம். இதை பிராந்தியவாதம் என்று நாங்கள் கூற மாட்டோம்; தேசியவாதம் என்று தான் நாங்கள் அழைப்போம். இலங்கையில் தமிழர்கள் படும் துயரங்களுக்காக ரஜினிகாந்த் கவலைப்படுகிறார். இலங்கை தமிழர் பிரச்சினையை வலியுறுத்தி தமிழகத்தை சேர்ந்த மத்திய மந்திரிகள் அனைவரும் ஒன்றாக உள்ளனர். இவர்கள் கட்சி வேறுபாடுகளை மறந்து விட்டு பதவியை ராஜினாமா செய்யப் போவதாக அறிவித்தனர்.தேசத் துரோகிகளா?இதே போன்ற பிரச்சினையை நாங்கள் எழுப்பினால் தேசத்தை உடைக்க முயற்சி செய்வதாக எங்கள் மீது குற்றம் சாட்டுகின்றனர். தமிழர் பிரச்சினைகளுக்காக செய்யும்போது யாரும் எதிர்ப்பு தெரிவிப்பது இல்லை. மராட்டியர்களின் உரிமைகளுக்காக போராடினால் எங்களை தேசத் துரோகிகள் என்று குற்றம் சாட்டுகின்றனர்.ரஜினிகாந்த் காவிரி நீர் பிரச்சினைக்காக போராடுகிறார். நாங்கள் மராட்டியர்களுக்கு வேலை வழங்கக் கோரி போராடுகிறோம். தமிழர்களின் உரிமைகளிலும் மராட்டியர்களின் உரிமைகளிலும் வேறுபாடு உள்ளதா?ரஜினி போல யாரும் இல்லை!மராட்டிய மாநிலம் உருவாகுவதற்காக 105 பேர் தங்கள் உயிரை விட்டுள்ளனர். ஆனாலும் ரஜினிகாந்தை போல் யாரும் இதுவரை மராட்டியத்தில் உருவாகவில்லை.தமிழகத்தில் ரஜினிகாந்தின் பணிகள் முடிந்து விட்டன. இனி அவர் மராட்டியத்துக்கு வந்து மராட்டியர்களுக்காக போராட வேண்டும்.

எம்.என்.நம்பியாருக்கு நேரில் அஞ்சலி செலுத்தினார் ரஜினி

எம்.என்.நம்பியாருக்கு நேரில் அஞ்சலி செலுத்தினார் ரஜினி

சூப்பர்ஸ்டார் ரஜினியின் அன்புக்கும் மரியாதைக்கும் உரிய நடிகர்களில் ஒருவரான எம்என் நம்பியார் இன்று பிற்பகல் மரணடைந்தார்.ரஜினியின் பெரும்பாலான படங்களில் நம்பியாருக்கும் முக்கிய வேடம் அளிக்கப்பட்டிருந்தது. எம்ஜிஆர், சிவாஜிக்குப் பிறகு அவர் அதிகம் சேர்ந்து நடித்தது சூப்பர் ஸ்டார் ரஜினியுடன்தான் என்பது குறிப்பிடத்தக்கது.மரணமடைந்த எம்.என்.நம்பியாருக்கு நேரில் அஞ்சலி செலுத்தினார் சூப்பர் ஸ்டார் ரஜினி.அவரது உடலுக்கு மலர் மாலை வைத்து, வணங்கினார் ரஜினி.பின்னர் நிருபர்களிடம் கூறியதாவது:நம்பியார் ஒரு புண்ணிய ஆத்மா. அவரது ஆத்மா சாந்தியடைய இறைவனைப் வேண்டுகிறேன்.அவரது இழப்பு அவர்கள் குடும்பத்துக்கு மட்டுமல்ல, திரையுலகுக்கே பெரிய இழப்பு. அவரது குடும்பத்துக்கு என் ஆழ்ந்த அனுதாபத்தைத் தெரிவித்துக் கொள்கிறேன், என்றார்.ரஜினி-நம்பியார் காம்பினேஷனில் வந்தவை பெரும்பாலும் சூப்பர் ஹிட் படங்கள்தான். கண்ணியமான வேடங்களையே அவருக்குத் அளித்து வந்தார் சூப்பர்ஸ்டார். குறிப்பாக எஜமான், பாபா படங்களில் நம்பியாரின் நடிப்பு ரஜினி ரசிகர்களைப் பெரிதும் கவர்வதாக இருந்தது.அவரது மரணம் தொடர்பான செய்தி (தடஸ்தமிழ்):சென்னை: பழம்பெரும் நடிகருமான எம்.என்.நம்பியார் இன்று பிற்பகல் மரணமடைந்தார். அவருக்கு வயது 89.உடல் நலக்குறைவால் சென்னை தனியார் மருத்துவமனையில் அனுமதிக்கப்பட்டிருந்த அவர் உயிர் இன்று பிற்பகல் பிரிந்தது.கேரள மாநிலம் கண்ணூர் மாவட்டத்தைச் சேர்ந்த மஞ்சேரி நாராயண் நம்பியார் என்ற எம்என் நம்பியார் தனது 13 வயதிலேயே சென்னை நவாப் ராஜமாணிக்கம் குழுவில் சேர்ந்து நாடகங்களில் நடித்தார். 1935-ம் ஆண்டு பக்த ராமதாஸ் என்ற படத்தின் மூலம் தனது திரையுலகப் பிரவேசத்தைத் துவங்கினார்.கிட்டத்தட்ட 60 ஆண்டுகளுக்கும் மேல் தமிழ் சினிமாவின் தலைசிறந்த நடிகர்களுள் ஒருவராகத் திகழ்ந்தார் நம்பியார். மக்கள் திலகம் அமரர் எம்ஜிஆர், நடிகர் திலகம் சிவாஜி கணேசன் இருவர் படங்களிலுமே நிரந்தர வில்லன் நடிகராக இடம் பெற்றிருந்தவர் நம்பியார். எம்ஜிஆரின் மிக நெருங்கிய நண்பராகவும் திகழ்ந்தார். இவர் நடிக்காத எம்ஜிஆர் படங்களை விரல்விட்டு எண்ணி விடலாம். வில்லனுக்கு வில்லன் என்ற பட்டப் பெயரே இவருக்குண்டு.வேட்டைக்காரன், ஆயிரத்தில் ஒருவன் மற்றும் எங்க வீட்டுப் பிள்ளையில் எம்ஜிஆரும் நம்பியாரும் புதிய சகாப்தமே படைத்தார்கள்.எம்ஜிஆருக்கும் தனக்கும் இடையே எந்த மாதிரி நப்பு இருந்தது என்பதை நம்பியாரே ஒருமுறை இப்படிக் குறிப்பிட்டார் ஒரு விருது வழங்கும் விழா மேடையில்:எனக்கு எம்ஜிஆர் மேல ரொம்பக் கோபம். அவர் இருந்த வரைக்கும் எங்கே போனாலும் எம்ஜிஆர் என்றதும் உடனே மக்கள் நம்பியார் என்றும் சேர்த்தே உச்சரிப்பார்கள். இப்போ அவர் போய்ட்டாரு. மக்கள் என்னை மறந்துட்டாங்க... போகும்போது என்னையும் கூட்டிட்டுப் போயிருக்கலாம் அவர், என்று கூறி மேடையிலேயே கண் கலங்கினார்.அந்த விழாவில் தலைமை விருந்தினர் கலைஞர் மு.கருணாநிதி என்பது குறிப்பிடத்தக்கது.எண்பதுகளில், வில்லன் என்ற நிலையிலிருந்து நம்பியாரை குணச்சித்திர நடிகராக மாற்றியவர் இயக்குநர் கே.பாக்யராஜ். கதாநாயகனுக்கு இணையாக நகைச்சுவையும் செண்டிமெண்டும் கலந்து அவர் நடித்த 'தூறல் நின்னு போச்சு', இன்றும் தமிழின் மிகச் சிறந்த படைப்பாகப் பார்க்கப்படுகிறது.சூப்பர் ஸ்டார் ரஜினியின் பெரும்பாலான படங்களில் முக்கிய வேடத்தில் நடித்துள்ளார் நம்பியார். கடைசியாக ரஜினியுடன் பாபா படத்தில் நடித்தார்.நம்பியார் நடித்த கடைசி படம் விஜய்காந்தின் சுதேசி.தமிழ் தவிர, ஜங்கிள் என்ற ஆங்கிலப் படத்திலும், கணவனே கண்கண்ட தெய்வம் படத்தின் இந்திப் பதிப்பிலும் நடித்துள்ள நம்பியார் 1000 படங்களுக்கு மேல் நடித்தவர். தனது 'நம்பியார் நாடக மன்றம்' மூலம் இரு நாடகங்களை பல முறை அரங்கேற்றியுள்ளார்.திகம்பரசாமியார் எனும் சூப்பர் ஹிட் படத்தில் 11 வேடங்களில் நடித்து சாதனை செய்தவர் நம்பியார் என்பது இன்னமும் பலருக்குத் தெரியாது.நம்பியார் என்றதும் பலருக்கும் உடனே நினைவுக்கு வருவது சபரிமலை அய்யப்பன்தான். ரஜினிகாந்த் உள்பட தமிழ் சினிமா நடிகர்கள் பலருக்கும் இவர்தான் குருசாமி. தொடர்ந்து 65 ஆண்டுகளாக தொடர்ந்து சபரி மலைக்குச் சென்று வந்தார் நம்பியார் என்பது குறிப்பிடத்தக்கது. வேலன் போன்ற சில தொலைக்காட்சித் தொடர்களிலும் நடித்துள்ளார்.திரையில்தான் வில்லனாக நடித்தாரே தவிர, நிஜ வாழ்க்கையில் எந்த தீய பழக்கமும் இல்லாத, கடவுள் பக்தி மிக்க நேர்மையான மனிதராகவே வாழ்ந்தார் நம்பியார்.

Kuselan Boxoffice

Kuselan smart enough in overseas Box Office!

Here is the exact box office report of Rajinikanth’s Kuselan in UK.Kuselan has collected 1, 06,394 Pounds (Rs.88.14 lakhs) from 17 screens in Great Britain’s UK box office alone. Remember the film has opened in UK BO at 13th position. Kuselan is the second big film that collected nearly a crore in the UK box office. Kamal’s Dasavatharam has collected Rs.1.07 cr in 19 theaters is in the top.Though Kuselan was declared as a flop by the trade pundits here, the overseas collection of the film is smart and the film’s owner Saimira is very happy about the performance. In US and South East Asian Countries like Malaysia and Singapore the film has collected in crores and the producers are prepared to release the data soon.In Kuselan Rajini just appeared for 30 plus minutes and some of his ardent fans got disappointed due to his short role. At the time of the film’s release, some unwanted political situation forced the film to exit from the halls at the earliest. Some exhibitors claimed heavy loss and demanded compensation while the film was running in most of the theaters.It can be recalled that the compensation drama has ended last week only and Pyramid Saimira declared that everything has settled smoothly.

ஒருவன் ஒருவன் முதலாளி பாடல் பிறந்த விதம்

ரஜினிக்கு பாட்டு எழுதும்போது மட்டும் யாரும் சொல்லாமலே தானாக வந்து விழுகின்றன வார்த்தைகள். அதுதான் அவருக்குள்ள வசீகரம், சிறப்பு என்கிறார் கவிஞர் வைரமுத்து.சென்னையில் லஷ்மன் ஸ்ருதியின் வித்தியாசமான இசை நிகழ்ச்சி ஒன்று ஞாயிற்றுக்கிழமை நடந்தது. இதில் பங்கேற்ற கவிஞர் வைரமுத்து, பல சூப்பர் ஹிட் பாடல்களை எழுதியபோது தனக்கு ஏற்பட்ட அனுபவங்கள், அந்தப் பாடல் பிறந்த விதம் போன்ற சுவாரஸ்யமான பல நிகழ்வுகளை ரசிகர்களுடன் பகிர்ந்து கொண்டார்.அவற்றில் சிலவற்றை எஸ்.பி.பாலசுப்பிரமணியம், சித்ரா ஆகியோர் பாடி பரவசப்படுத்தினார்கள். ஒவ்வொரு பாடலையும் அவர்கள் பாடுவதற்கு முன்பாக, அந்த பாடல்களை எழுதிய சூழ்நிலையை கவிஞர் வைரமுத்து விவரிக்க, அதுவே ஒரு தனி அனுபவமாக அமைந்தது ரசிகர்களுக்கு.சூப்பர் ஸ்டார் ரஜினியின் முத்து படத்தில் இடம்பெற்ற ஒருவன் ஒருவன் முதலாளி பாடல் பிறந்த விதம் பற்றி அவர் விளக்கியபோது, அரங்கம் கைத்தட்டலில் அதிர்ந்தது.அவர் பேசியதிலிருந்து...ரஜினி அவர்கள் நடித்த முத்து படத்துக்கு பாடல் எழுதுவதற்காக ரஜினிகாந்த், நான், கே.எஸ்.ரவிக்குமார், ஏ.ஆர்.ரகுமான் ஆகியோர் கேரளாவில் உள்ள கொச்சிக்கு சென்றிருந்தோம். அப்போது, ஏ.ஆர்.ரகுமான் ஒரு தனி அறைக்கு சென்றுவிட்டார். நான் பாடலுக்கு மெட்டு போடும் வரை என்னை யாரும் தொந்தரவு செய்யக் கூடாது என்று கூறி அறைக் கதவையும் அடைத்துக் கொண்டார்.ரஜினிகாந்தும், நானும் ஆன்மீகம், அரசியல் என்று எவ்வளவோ பேசினோம். அப்போது, மாவீரன் அலெக்சாண்டர் பற்றி ஒரு சம்பவத்தைச் சொன்னார் ரஜினி அவர்கள்.உலகில் உள்ள அனைத்து நாடுகள் மீதும் போரிட்டு வென்ற அலெக்சாண்டரே, தான் இறக்கும்போது தனது இரண்டு கைகளையும் வெளியே தெரியும்படி வைத்து, இவன் போகும்போது ஒன்றையும் கொண்டு போகவில்லை என்பதை மக்கள் தெரிந்துகொள்ள வேண்டும் என்று தனது உதவியாளரிடம் கூறினாராம்.இதை நண்பர் ரஜினி அவர்கள் சொன்னபோது, கேட்டு வைத்துக் கொண்டேன்.அதை வைத்தே, ‘முத்து’ படத்தில் வரும் ‘ஒருவன் ஒருவன் முதலாளி...’ பாடலை எழுதினேன். அந்த பாடலின் இடையே ‘மண்ணின் மீது மனிதனுக்காசை, மனிதன் மீது மண்ணுக்காசை..’ என்று எழுதியது இந்த வரலாற்றுச் சம்பவத்தைக் குறிப்பிடத்தான்.ரஜினிகாந்தின் சிறப்பே, யாரையும் அவர் நேரடியாக கட்டுப்படுத்துவதில்லை. நம்மையும் அறியாமல் அவர் சொல்வதைக் கேட்போம். அவரது வார்த்தக்கு அப்படி ஒரு வசீகரம் இருக்கிறது. எனக்கு இப்படித்தான் பாட்டு வேணும், இந்த மாதிரிதான் வரிகள் அமையணும் என்று அவர் யாருக்கும் கட்டளை போட்டதில்லை. அவருக்கு எழுதும்போது தானாகவே வந்து விழுகின்றன அத்தகைய வரிகள். அதுதான் அந்த உச்ச நட்சத்திரத்தின் சிறப்பு, என்றார் வைரமுத்து.

ஈழத் தமிழர் பிரச்சினை: வேண்டாம் பிறந்தநாள் கொண்டாட்டம் ! –ரஜினி

ரஜினியின் பட வெளியீட்டை விட பத்து மடங்கு உற்சாகத்துடன் ரசிகர்கள் கொண்டாடும் விசேஷம் தங்கள் தலைவர் ரஜினியின் பிறந்த நாள் விழா.
ஆண்டுதோறும் டிசம்பர் 12-ம் தேதி ரத்ததானம், கண்தானம், உணவு தானம், சமபந்தி போஜனம், தங்கத் தேர் இழுத்தல், பூச்சட்டி ஏந்துதல் என தங்களுக்குத் தெரிந்த வழிகளிலெல்லாம் ரஜினி பிறந்த நாளை விமரிசையாகக் கொண்டாடி மகிழ்வது அவர்கள் வழக்கம்.
திருச்சி, கோவை மற்றும் சேலம் மாவட்டங்கள் ரஜினி பிறந்த நாள் விழா கொண்டாட்டங்களுக்கு பெயர் பெற்றவை.
ஆனால் இம்முறை இந்தக் கொண்டாட்டங்களுக்குத் தடை விதித்துள்ளார் சூப்பர் ஸ்டார் ரஜினி.
இதுகுறித்து ரஜினி ரசிகர்கள் மன்றத்தின் நிர்வாகியும் ரஜினியின் நெருங்கிய நண்பருமான சுதாகர் பத்திரிகைகளுக்கு அளித்துள்ள பேட்டியில் கூறியிருப்பதாவது:ரஜினிகாந்தின் பிறந்தநாள், அடுத்த மாதம் (டிசம்பர்) 12-ந் தேதி வருகிறது. இந்த ஆண்டு பிறந்த நாளை வெகு விமரிசையாகக் கொண்டாட வேண்டும் என்று ரசிகர்கள் விருப்பம் தெரிவித்தார்கள்.
ஆனால் ஈழத் தமிழர்கள் துன்பப்படும் இந்த வேளையில், பிறந்தநாள் கொண்டாடுவதை தவிர்க்கும்படி, ரஜினிகாந்த் கூறியிருக்கிறார்.
இதுபற்றிய முறையான அறிக்கையை அவரே நேரடியாக வழங்கவிருக்கிறார். ரசிகர்கள் புரிந்து கொண்டு ஒத்துழைப்பு அளிக்குமாறு கேட்டுக் கொள்கிறோம், என சுதாகர் கூறியுள்ளார்.
அவர் சொல்லி முடித்த 24 மணி நேரத்துக்குள் ரஜினி தனது அறிக்கையை மீடியாவுக்கு வழங்கியுள்ளார்.
அவர் கூறியிருப்பதாவது:
இலங்கையில் நடைபெற்று வரும் போர் காரணமாக ஒவ்வொரு தமிழனின் இதயமும் காயப்பட்டுள்ள இந்த நிலையில் எனது பிறந்த நாளைக் கொண்டாட வேண்டாம் எனறு ரசிகர்களைக் கேட்டுக் கொள்கிறேன்.
இலங்கைத் தமிழர்களைப் பாதுகாக்கத் தூண்டுகோலாக எனது இந்த அறிவிப்பும் அமைந்தால் மிகுந்த மகிழ்ச்சி அடைவேன், என்று அந்த அறிக்கையில் கூறியுள்ளார் ரஜினி.
எளிய முறையில் பணிகளைச் செய்யுங்கள்!பிறந்த நாள் கொண்டாட்டம் வேண்டாம் என்ற ரஜினியின் முடிவு வெளியானதும், உலகம் முழுவதிலும் உள்ள ரஜினி ரசிகர்கள் தொடர்ந்து மண்டபத்துக்குப் போன் செய்து பிறந்த நாள் விழாவுக்கு தாங்கள் செய்துள்ள ஏற்பாடுகளைத் தெரிவித்து வந்ததால், இப்போது பிறந்தநாள் கொண்டாட்டங்களுக்கு பதில் அன்னதானம், ரத்ததானம் போன்ற நற்பணிகளை ஏழை எளிய மக்களுக்கு பயனுள்ள விதத்தில் செய்ய அனுமதிக்கலாம் என மன்றப் பொறுப்பாளர் சுதாகர் தெரிவித்துள்ளார்.
இதுகுறித்து அவர் கூறியதாவது:
பிறந்தநாள் கொண்டாட்டங்கள் வேண்டாம் என்று ரஜினி சார் கூறிவிட்டார். ஆனால் ஏழை மக்களுக்காக நடக்கும் நற்பணிகள் தொடரலாம். அதையும் கூட எந்தவித ஆடம்பரமும் இல்லாமல் செய்ய வேண்டும் என்று ரஜினி கேட்டுக் கொண்டுள்ளார். இவை எல்லாமே ரஜினி சார் என்னிடம் சொன்னவை. அதை அப்படியே மீடியாவுக்குச் சொல்லிவிட்டேன், என்றார் சுதாகர்.

ரஜினியின் இன்றைய இமேஜ்... சில பார்வைகள்!

சில தினங்களுக்கு முன் சுப்பிரமணியன் எனும் ரசிகர் ஒரு இப்படி பின்னூட்டமிட்டிருந்தார் நமது தளத்தில்...“தலைவரை எதிர்த்த அசுரர்கள் ஒவ்வொருவரும் இப்போது மீண்டும் அவரைத் தேடி வந்து வணங்க ஆரம்பித்திருக்கிறார்கள்...” என்று அதில் குறிப்பிட்டிருந்தார் அந்த ரசிகர்.உண்மைதான்... ரஜினி எனும் நல்லவருக்கு எதிராகப் பிரச்சாரம் மேற்கொண்ட சில அசுர சக்திகளே இப்போது அவருக்கு வெண்சாமரம் வீசத் தொடங்கியிருக்கின்றன.ஆனால் இவற்றைப் பார்த்து அவரும் மயங்கிவிடவில்லை... அவரது ரசிகர்களும் அசந்துவிடவில்லை.ரஜினி மீதான காரணமற்ற விமர்சனம், தனிநபர் தாக்குதல் எவர் வாயிலிருந்து வெளிப்பட்டாலும் அதைச் சகித்துக் கொள்ளமாட்டோம். அதே நேரம் அவரது புகழ்பாடும் எந்த விஷயத்தையும் புறக்கணிக்கவும் மாட்டோம் என்ற அடிப்படையில் அந்த அசுர சக்திகளின் தடுமாற்றத்தையும் முன்பு எழுதினோம், இப்போது மனமாற்றத்தையும் பதிவு செய்கிறோம்.சத்யராஜ், ராமதாஸ் வரிசையில் இப்போது சீமானும் சேர்ந்திருக்கிறார்.முன்பு குசேலன் பிரச்சினையின் போது ரஜினியை ஆதரித்த நால்வருள் இவரும் ஒருவர். ஆனால் சொல்பவர் பேச்சைக் கேட்டு, என்ன நடந்தது என்று புரியாமலே ரஜினியை விமர்சித்தார்.இப்போது ஈழத் தமிழர்களுக்கு ஆதரவான ரஜினியின் பேச்சு அவரது மனசாட்சியை உலுக்கிவிட்டது போலிருக்கிறது.ஈழத் தமிழர் விவகாரத்தில் ரஜினியின் தெளிவான பார்வை இந்தியாவுக்கு இல்லாமல் போனது துரதிருஷ்டம்தான் என்று தனது அனைத்து பேட்டிகளிலும் கூறி வருகிறார்.ஈழ மக்களின் போராட்டத்துக்கு முன்னிலும் வலு கூடியிருக்கிறது. அதே போல தாய்த் தமிழகத்தில் அவர்கள் மீதான பார்வை மாற ரஜினி மற்றும் கமலின் பேச்சுக்கள் பெரிதும் உதவியிருக்கின்றன, என்கிறார் சீமான்.

பழ. நெடுமாறன்

ரஜினியின் ஈழ ஆதரவு நிலைப்பாட்டுக்கு மிகப்பெரிய பாராட்டு கிடைத்திருப்பது தமிழர் தேசிய இயக்கத் தலைவர் பழ. நெடுமாறனிடமிருந்து. கலைத்துறையைச் சேர்ந்தவர்களை அவர் அத்தனை சுலபத்தில் பாராட்டுபவரில்லை.அவர் இப்படிக் கூறுகிறார்:“பொதுவாகவே எனக்கு சினிமாக்காரர்களின் போராட்டங்கள் மீது பெரிய மரியாதை கிடையாது. பிரச்சினைின் ஆழம் மறக்கடிக்கப்பட்டு, பொழுதுபோக்கு அம்சமே முன்னால் வந்து நிற்கும்.ஆனால் அன்றைய உண்ணாவிரதம் ஒரு நல்ல விதிவிலக்கு. எனக்குத் தெரிந்து ரஜினிகாந்தின் நிலைப்பாடுதான் சரியானது. பிரச்சினையை எத்தனை ஆழமாக அணுகுகிறார் அவர் என்பதற்கு இந்தப் பேச்சு சான்று. அவர் ஆன்மீக அடிப்படையில் பேசினாலும் அதில் அறிவியல் இருந்தது. ஈழ மக்களின் சார்பில் அவருக்கு பாராட்டுக்கள்.என் கோபமெல்லாம்... இந்த பரந்த சிந்தனை கலைஞருக்கு இல்லையே என்பதுதான். கடைசி வரை தன் இனத்தையே அடகு வைத்து அரசியல் லாபம் பார்க்கிறாரே கருணாநிதி என்பதுதான்... ரஜினி போன்ற ஒரு நல்ல கலைஞருக்கு தமிழின வரலாற்றில் நிச்சயம் இடமுண்டு; ஆனால் இந்தக் கலைஞரை (கருணாநிதி) வரலாறு மன்னிக்காது, எனக் கூறியுள்ளார்.

இந்தப் பக்குவம் அவருக்கு இயல்பாகவே வந்திருக்கிறது!

சமீபத்தில் நடிகர் சிவக்குமாரைச் சந்திக்க நேர்ந்தது. உண்ணாவிரதத்தில் ரஜினியின் பேச்சு, ரசிகர் சந்திப்பு, அரசியல் குறித்த அறிவிப்பு என அடுத்தடுத்த ரஜினியின் நகர்வுகள் தனக்கு எந்த ஆச்சர்யத்தையும் அளிக்கவில்லை என்றார் அவர்.“ரஜினி சொன்னது போல, அரசியலில் ஒரு அரிய வாய்ப்பினை மூப்பனார் தந்த போதும், அதை மறுத்தவர் ரஜினி. முன்னெப்போதும் பார்த்திராத ஒரு தீர்க்கதரிசி இப்போது ரஜினிக்குள் தெரிகிறார். இந்த மாதிரி மனிதர்கள் அபூர்வமானவர்கள். தனக்கென்று எந்த அதிகாரத்தையும் வேண்டாதவர்கள். அவரது பாபா படத்தின் அடிநாதமே அதுதான்.ஆனால் இந்த பக்குவப்பட்ட நிலைக்கு அவர் மெனக்கெட்டு தயார்படுத்திக் கொண்டார் என்று சொல்லமாட்டேன். இது இயல்பாகவே அவருக்கு அமைந்திருக்கிறது...” என்றார்.‘அதான் முன்பே சொன்னோமே சார்... அவர் சாதாரண மனிதரல்ல... வரம் வாங்கி வந்தவரென்று!’ என சொன்னபோது, நம் கண்களை ஊடுருவிப் பார்த்துவிட்டுச் சிரித்தார் சிவக்குமார்.

ரசிகர்களைச் சந்தித்த ரஜினி

ஆண்டவன் நினைத்தால் நாளையே கட்சி! - அதிர வைக்கும் ரஜினி

இதுதான் நம் அன்புத் தலைவர், தொண்டர்களாக மாறத் துடித்துக் கொண்டிருக்கும் ரசிகர்களுக்குச் சொல்லும் புதிய கீதை!ஆம், இன்று தலைவர் தன் ரசிகர் மன்ற நிர்வாகிகளை மாவட்டவாரியாக சந்தித்தார். காலை 7 மணியிலிருந்தே ராகவேந்திரா கல்யாண மண்டபம், பத்துக் கல்யாணங்களை ஒன்றாகச் செய்யும்போது ஏற்படும் அமர்க்களத்துடன் ரசிகர்களால் நிரம்பி வழிந்தது.கடுமையான போலீஸ் பாதுகாப்பு, தளபதி சத்தி மற்றும் தலைமை மன்ற நிர்வாகிகளின் சோதனைகளுக்குப் பிறகே, ஒவ்வொரு ரசிகர் மன்ற நிர்வாகியும் உள்ளே அனுமதிக்கப்பட்டனர்.மாவட்டத்துக்கு 10 நிர்வாகிகள் வீதம் மண்டபத்துக்குள் அனுமதிக்கப்பட்டு வருகிறார்கள். அனைவரும் பிரதான மண்டபத்தில் அமர வைக்கப்பட்டனர். ஒவ்வொரு மாவட்ட வாரியாக தளபதி சத்தியநாராயணா, நிர்வாகிகளை அழைத்து தலைவருக்கு அறிமுகம் செய்து வைக்க, அவர்களுடன் ரஜினி உரையாடுவதாக ஏற்பாடு.சந்திப்பு நடைபெறும் மேடையில் ஒரே ஒரு நாற்காலி. அதன் பின்னணியில் ஒரு பேனர் வைக்கப்பட்டிருந்தது. அதில் எழுதப்பட்டுள்ள வாக்கியம்தான் இந்த சந்திப்பின் ஹைலைட். தலைவர் ரஜினி சொல்ல வரும் ஒட்டுமொத்த செய்திக்கும் சேர்த்து சொல்லப்பட்டிருக்கும் ஒரு வாக்கியம் அந்த பேனரில் இடம் பெற்றுள்ளது.‘கடமையைச் செய்; பலனை எதிர் பார்!’ – இதுதான் அந்த வாக்கியம்.அருகில் மலர்களால் அலங்கரிக்கப்பட்ட மஹாவதார் பாபாஜியின் படம்.சும்மா அதிருதுல்ல!ஒவ்வொரு மாவட்டத்திலிருந்து வந்த ரசிகர்களும் கேள்விகேட்க அனுமதிக்கப்பட்டனர்.தங்கள் கேள்விகளை அவர்கள் பதில்களாக எழுதி சுதாகரிடம் தர, அவற்றுக்கு நிதானமாக அழுத்தம் திருத்தமாக தன் பதில்களைத் தந்தார் சூப்பர் ஸ்டார்.தன்னை விமர்சிக்கும் கேள்விக்கும் நிதானமாக சிரித்தபடி அவர் பதில் கூறிய விதம் தலைவரின் தலைமைப் பண்பை வெளிச்சம் போட்டுக் காட்டியது.அரசியல் பற்றிய கேள்விக்கு ரஜினியின் பதில் நச்சென்று இருந்தது. உண்மையில் இன்று நாட்டுக்குத் தேவை இப்படியொரு மாமனிதர்தான் என்ற எண்ணத்தை ஒவ்வொரு ரசிகர் மனதிலும் ஏற்படுத்தும் வகையில் அமைந்திருந்தன தலைவரின் பதில்கள்.இனி ரஜினியிடம் ரசிகர்கள் கேட்ட கேள்விகளும், அதற்கு அவர் அளித்த பதில்களும்:கேள்வி: இந்த சந்திப்பின் நோக்கம் என்ன?ரஜினி: நீங்கள் என்னை சந்திக்க வேண்டும் என்று ஆசைப்பட்டீர்கள். அதேப்போன்று நானும் உங்களை சந்திக்க வேண்டும் என்று ஆசைப் பட்டேன். இதுதான் நோக்கம்.என்னுடன் புகைப்படம் எடுத்துக் கொள்ள வேண்டும் என்று 300, 400 பேர் என கும்பலாக வருவதால், என்னால் எதுவும் செய்ய முடிய வில்லை. ஒருமுறை சச்சிதானந்த சுவாமிகள் தன்னுடைய சிஷ்யர்களிடம் பேசும்போது உங்களுக்கு என்ன வேண்டுமோ அதை கேளுங்கள் அதற்கு பதில் அளிக்கிறேன் என்றார். அதுதான் இப்போது நடக்கிறது.கே: ரஜினி ரசிகர்களுக்கு என ஒரு அங்கீகாரம் கிடைக்குமா? ரஜினி: சமூகத்தில் உங்களுக்கு என்று ஒரு அங்கீகாரம் கிடைக்கும்படி செய்வேன்.கே: எதிர்காலம் திட்டம் என்ன?ரஜினி: முதலில் உங்கள் குடும்பத்தை பாருங்கள். என்னுடைய எதிர்காலத்திட்டம் தற்போதைக்கு எந்திரன் படம்தான்.கே: மன்ற நிர்வாகிகள் மூலம் நலத்திட்ட உதவிகள் செய்யப்படுமா?ரஜினி: பணம், ஜனம் இரண்டையும் ஒன்று சேர்க்கக் கூடாது. சேர்ந்தால் அங்கு அரசியல் வந்துவிடும். என்னிடம் பணத்தை எதிர்பார்க்காதீர்கள். உங்களால் இயன்றதை நீங்களே செய்யுங்கள். நான் தனியாக உதவிகள் செய்துகொண்டே தான் இருக்கிறேன்.
'கிருஷ்ணகிரி தமிழன்' ரஜினி!
கேள்வி: எந்திரன் படம் எப்படி இருக்கும்?
பதில்: உலகின் மிகச் சிறந்த படங்களுள் ஒன்றாக, இந்தியாவின் தலைசிறந்த படமாக இருக்கும்.
கேள்வு: உங்கள் பூர்வீக மாவட்டம் கிருஷ்ணகிரியில் உங்கள் தாய் தந்தைக்கு நினைவிடம் அமைப்பீர்களா?
ரஜினி: இதைக் கேட்டதும் ஒரு நிமிடம் ரசிகர்களை புன்முபறுவலுடன் பார்த்த ரஜினி, இந்தக் கேள்வியைக் கேட்ட ரசிகர் யார் எனக் கேட்க, கிருஷ்ணகிரியைச் சேர்ந்த கார்த்திக் என்ற ரசிகர் எழுந்து கைத் தூக்கினார். அவரைப் பாராட்டினார் ரஜினி) ரு நல்ல விஷயத்தைக் கூறினீர்கள். அது பற்றி யோசிப்பேன்.
கேள்வி: குசேலன் தோல்வி ஏன்? படத்துக்கு நீங்கள் ரூ.25 கோடி வாங்கியதாகக் கூறுகிறார்களே?
பதில்: அந்தப் பட பூஜையின்போதே அதில் என் பங்கு என்ன என்று கூறிவிட்டேன். இயக்குநர் வாசுதான் என் போர்ஷனை அதிகப்படுத்தார். தெலுங்கு உரிமை கொடுக்க வேண்டாம், நாமே ரிலீஸ் பண்ணலாம் என்றேன். கேட்கவில்லை, கொடுத்துவிட்டார்கள்.ரூ.60 கோடிக்கு விற்காதீர்கள் என்றேன். அதையும் மீறி விற்றார்கள். இதில் என் தப்பு என்ன? இந்தப் படத்துக்கு நான் ரூ.25 கோடி வாங்கியதாகக் கூறுவதும் தவறு. கே: முதலில் ராகவேந்திரரை வழிபட்டீர்கள். பிறகு அருணாச்சலேஸ்வரர் என்றீர்கள். பாபாஜி என்றீர்கள். அடிப்படையில் உங்களுக்கே தெளிவான பார்வையில்லையா?ரஜினி: (சிரிக்கிறார்... சிறிது நேரம் யோசித்தவர்) இந்துவிலிருந்து முஸ்லீம், முஸ்லீம் இருந்து கிறிஸ்துவம் என்று மாறினால்தான் தவறு. அது கூட தவறு என்று சொல்ல முடியாது. நமது பாடத்திட்டத்திலேயே கூட வரலாறு, புவியியல், கணிதம் என்று பல படிப்புகள் உள்ளன.அவை நமது ஞானத்தை விருத்தி செய்கிறது அது போன்று தான் தேடல் நிறைந்த உள்ளம் நமது ஆன்ம ஞானத்தை விருத்தி செய்கிறது. இதில் தவறும் ஒன்றும் கிடையாது. எனக்கு விருப்பமானவர்களைப் பின்பற்றுகிறார்கள்.என் ரசிகர்களைப் பற்றி மக்களிடம் கேளுங்கள்!கே: நீண்ட காலம் மன்றப் பணிகள் செய்து வரும் ரசிகர்களை பற்றி உங்கள் கருத்து?ரஜினி: ரஜினி ரசிகர்களை பற்றி நான் பேச வேண்டிய அவசியம் கிடையாது. நாட்டு மக்களுக்கே தெரியும். இதை மற்றவர்களிடம் கேளுங்கள்.கே: உங்களைக் குழப்பவாதி என்று சில பத்திரிக்கைகளில் எழுதும்போது அதை கேட்கவும், படிக்கவும் கஷ்டமாக இருக்கிறது. அதற்கு ஏன் நீங்கள் இடம் கொடுக்கிறீர்கள்.ரஜினி: பத்திரிக்கைக்காரர்களை வைத்துக் கொண்டே இந்த கேள்வியை கேட்டால் எப்படி. சில நேரங்களில் நான் செய்வது கூட அப்படித்தான் இருக்கிறது. எல்லாம் அனுபவத்தில் இருந்து கற்றுக் கொள்வதுதான். இது செய்தால், இது நடக்கும் என யூகித்து செய்வதில்லை.நாம் நினைப்பது சரி எனும்போது பேசி விடுகிறேன். வேறு கோணத்தில் பார்க்கிறவனுக்கு கஷ்டமாகத்தான் இருக்கும். அது தவிர்க்க முடியாது. குழப்பவாதி என்று சொல்லலாம். சுயநலத்தோடு எதையும் செய்ய மாட்டேன். எது சரி என்று படுகிறதோ அதைத்தான் செய்வேன்.சில செய்திகளை படிக்கும் போது சிரிப்பாக இருக்கும். சில சிந்திக்க வைக்க செய்யும். சமீபத்தில் நான் வெளியிட்ட அறிக்கையை பற்றிக்கூட குழப்பவாதி என்று கூறினார்கள். அன்று நான் அந்த முடிவு எடுக்காவிட்டால் நாட்டில் எத்தகைய குழப்பங்கள் ஏற்பட்டிருக்கும் என்பதை நீங்கள் புரிந்து கொள்ள முடியும்.மற்றவர்களுக்காக விட்டுக் கொடுத்து சில நேரத்தில் கெட்ட பெயர் எடுத்துள்ளேன். இப்போது அவர்கள் அமைதியாக இருக்கிறார்கள். நானும் அமைதியாக இருக்கிறேன்.ஒகேனக்கல் – வருத்தம் ஏன்?கே: ஒகேனக்கல் விவகாரத்தில் மன்னிப்பு கேட்டதாகவும், வருத்தம் தெரிவித்ததாகவும் செய்திகள் வெளியானது. உண்மையில் நடந்தது என்ன? உங்கள் வாயால் சொல்லுங்கள். ரஜினி: (சிரித்துக்கொண்டே) முன்னாலே முன்னாலே போகனும் என்று நான் நினைக்கிறேன். நீங்கள் பின்னாலே பின்னாலே போகனும் என்கிறீர்கள். விஷயம் நடந்தது முடிந்தது. விட்ருங்க. அதிலேயே இருந்தால் எப்படி... முதல்ல ஒரு விஷயம் தெரிஞஞ்சுக்கங்க... நான் ஒருபோதும் யாரிடமும் மன்னிப்புக் கேட்கவில்லை. அதுக்கான அவசியமும் எனக்கில்லை. வருத்தம்தான் தெரிவித்தேன்.
முதலில் ஒகேனக்கல் பிரச்சனை சினிமா சம்பந்தப்பட்டது அல்ல. ஆனால் கர்நாடகாவில் எந்த பிரச்சனையானாலும் தியேட்டரைத்தான் முதலில் அடிப்பார்கள். காரணம் பெங்களூர்ல தமிழ்ப் படங்கள்தான் நல்லா ஓடும். பெரும்பாலும் கன்னடக்காரர்கள் பார்ப்பதும் தமிழ்ப்படம்தான். அதுல அவங்களுக்கு பிடிக்கல. அது தமிழர்களோட திறமை. திறமை எங்கும் ஜெயிக்கும்.
ஆனா, அவங்க இதுக்காக தேவையில்லாம தியேட்டர்களை அடிக்கறதும் சினிமாவை நிறுத்தறதும் தப்பு. அதற்கு கண்டனம் தெரிவிக்கும் விதமாகத்தான் அந்த கூட்டத்தில் நான் அமர்ந்தேன்.அங்கு பேசியவர்கள் எப்படி பேசினார்கள் என்று உங்களுக்கு தெரியும். அதில் எனக்கு சிறிது கோபம் ஏற்பட்டது. நானும் மனிதன்தானே... அப்போது உணர்ச்சி வசப்பட்டு உதைக்கனும் என்று கூறிவிட்டேன். என்ன இருந்தாலும் அது தவறுதானே. நான் அப்படிப் பேசியது நாகரீகமல்ல. தண்ணீர் கொடுக்க மறுப்பவர்களை, தியேட்டர்களை அடித்து நொறுக்குபவர்களை உதைக்க வேண்டும் என்று கூறி இருந்தால் பிரச்சனை முடிந்திருக்கும். அப்போது குசேலன் ரிலீசாகும் சமயம் கர்நாடகா விநியோகஸ்தர்கள் என்னைச் சந்தித்தார்கள். எடியூரப்பா தியேட்டருக்கு பாதுகாப்பு தருவதாக கூறினார். ரசிர்கள் கத்தி, கபடாவோடு நாங்களும் தயார் என்றார்கள்.ஒரு பிரச்சனை ஆரம்பித்தால் உடனே முடிய வேண்டும். இழுத்தடிக்கக் கூடாது. அதனால் பொது நலத்திற்காக, மற்றவர்கள் நலனுக்காக நான் வருத்தம் தெரிவிச்சிக்கிட்டேன். சத்தியமாக மன்னிப்புக் கேட்கவில்லை.கடமையைச் செய் பலனை எதிர்பார்!இங்க பாருங்க... மீண்டும் மீண்டும் நான் சொல்றதெல்லாம் குடும்பத்தை கவனியுங்கள் என்ற முக்கியமான விஷயத்தைத்தான்.நான் என் மனைவிக்கு நல்ல கணவனாக, என் குழந்தைகளுக்கு நல்ல தகப்பனாக, தயாரிப்பாளர்களுக்கு நல்ல நடிகனாக என்று என் கடமைகளை சரியாக செய்து வருகிறேன்.நீங்களும் உங்கள் கடமையைச் செய்யுங்கள்.கடமையைச் செய். பலனை எதிர்பார் இதுதான் நமது தத்துவம். அரசியலைப் பொறுத்தவரை ஒருவர் வெற்றி பெறுகிறார்கள் என்றால், அது திறமையாலோ, புத்திசாலித் தனத்தாலோ, உழைப்பாலோ என்று கூறினால் அது முட்டாள் தனம்.சந்தர்ப்பம், சூழ்நிலை, நேரம் ஆகியவை தான் ஒருவரின் வெற்றிக்கு மிகப் பெரிய பங்களிப்பாக இருக்கிறது. சரியில்லாத நேரத்தில் நீங்கள் குட்டிகரணம் அடித்தால் கூட ஒன்றும் செய்ய முடியாது. 1996-ம் ஆண்டு இருந்த நிலைமை வேறு. அன்று நான் பதவியில் போய் அமர வேண்டியதுதான் பாக்கி. அப்படி ஒரு சூழ்நிலை இருந்தது. ஆனால் யாரோ ஜெயித்து அதை நாம் அனுபவிப்பதா...நமக்கு ஒரு விஷயத்தில் திறமை இருக்க வேண்டும். அனுபவம் இருக்க வேண்டும். அதை நாம் செய்ய வேண்டும். தெரியாமல் ஒரு விஷயத்தை செய்யக் கூடாது.என் சிறு வயதில் பணக் கஷ்டத்தில் இருந்த போது கூட சினிமா பற்றி தெரிந்து கொள்ள வேண்டும் என்பதற்காக முறைப்படி 2 வருடம் பிலிம் இன்ஸ்டிடியூட்டில் படித்த பிறகு தான் நடிக்க வந்தேன். தெரியாத ஒரு விஷயத்தை செய்ய மாட்டேன்.பலவந்தமாக திருமணம் செய்தால் அந்த வாழ்க்கை நடக்குமா? ஈடுபாடு இருந்தால் தான் இனிமையாக இருக்கம். ஒரு வேளை ஆண்டவன் சொன்னால் நாளைக்கே நடக்கலாம். தொடர்ந்து நாட்டில் நடப்பதை கண்காணித்துக் கொண்டே வாருங்கள்.தற்போது நாடு சரியில்லை. தமிழ்நாடு மட்டும் அல்ல. ஒட்டுமொத்த இந்தியா முழுக்கவே அப்படித்தான் இருக்கிறது. பார்க்கலாம் ஆண்டவன் இருக்கிறான், என்றார் ரஜினி.பின்னர் ரசிகர்களிடம் விடைபெற்றுக் கொண்ட ரஜினி, மதிய உணவு அருந்திவிட்டுச் செல்லுமாறு எல்லோரையும் கேட்டுக் கொண்டார்.ரஜினியின் இந்த சந்திப்பைக் கவரேஜ் செய்ய 200-க்கும் மேற்பட்ட புகைப்படக்காரர்கள், நிருபர்கள், தொலைக்காட்சி குழுவினர் ராகவேந்திரா மண்டபத்தில் குழுமியிருந்தனர்.